Inkonzo Yezinkondlo

Bathi ake siphawule

Kuthiwa isimo sitshekile

Enzansi kuyantula nabantu baxakekile

Izizwe zikhemile nabahlakaniphileyo badidekile

Bathi ake siphawule

Thina abangasibheki nakusibona kasibonwa

Engani bona bachemile bafundile bagogodile

Kepha bebhekile imiphefumulo ichithekile

Okwetiye emasosweni eminikelo ezinkonzweni

Bathi ake sibeke amabili noma amathathu

Ulimi lwethu balwazi lusokile lucolekile

Namazwi ethu enothile

Kepha nxa siphefumula basihleka usulu

Kulalelwa abadumile nabaculile ngisho noma becwilile

Ezinkanukweni nasegazini lemizimba yezimpofana

Bathi ke ake siphawule ngobhubhane nemihelo yezingane ezizithwele

Kepha uma siphawula bathi siyahlambalaza

Namagama esiwaphimisayo kawaziwa umsuka

Asisibo yini abengabade nabasemandulweni?

Amanzi esiphethu angalifundisani idwala?

Amanzi asempophomeni alufundisani uthingo?

Isiwula singatholani emgodleni wabakhaliphileyo?

Poetic